FWTA

FWTA

時裝世界精英大獎

早在好一年前，已經有見到風聲說香港要打造一個香港版PROJECT RUNWAY，而事實上，上年年尾的確收到了學校EMAIL介紹一個叫 FWTA 的計劃。啦啦啦! 有趣的地方來了，參加者不可以是全職學生之外還要兩年從事有關行業的經驗! 那你傳我幹什麼?這不就是有得睇冇得食囉!!!!

冇得食既野我緊係彩你都ON9啦!
但最近在明珠應該見到佢賣行廣告，睇黎有得睇啦喎。

睇晒成個關 FWTA 既網頁，佢條宣傳片正啊! ( road show 你返屋企訓下先啦! )未見過d咁弱既宣傳片，真係一個ive year 1 / 中五生都會整得好睇過佢!而最正既係班嘉賓喎，口齒不清，毫無說服力，搞到成件事好似山寨版 ( 而事實上都幾山寨)

香港政府係咪冇錢俾美國真正既project runway版權?! 點解要整個四不像?!點解唔正正經經搞個真既project runway啊? TVB話晒向中國內地，至少廣東區，都有一定既號召力丫!做咩唔合作?! 外國 ( 指正宗版 ) Bravo 其實向全美黎講都唔算大台，佢一樣向全美有聲有色。我見佢主要贊助 create hk ，哦，政府野啊，收得皮啦。一黎香港政府不嬲都只係扮支持創意工業，二黎尼d疑似判上判既計劃，仲衰。好心佢就一個大中華佢咁玩法，淨做設計師，我絕對相信內地好多堅料! 要抄，就抄人地個精髓，抄d唔抄d都算啦，仲要抄條毛，其他果完全唔知咩事。

project runway最吸引人既地方，除左設計師既努力同表演自己既天分之外，最最最重要係整個tv show，真係全情，even訓覺時間，都會記錄低!完全睇到個人既真性情，你鐘意佢既設計，更加鐘意佢個人，你會見到佢嬲說講粗口，開心就笑，參加者既友誼，一起的生活，互相競爭，嗌交，都令你好似睇緊個朋友咁，你會更想追，好似project runway個肥佬 chris march，佢到左今時今日，我都仲有繼續留意佢，因為佢實在太好笑，岩岩過左既Oscar，Meryl Streep 套白色裙，正正由佢設計。

我就睇下香港version又會點，唔駛問，肯定一班人，一齊分組，之後做project，評分，完。小學咩.........................................



真性情 ? 冇 ，講粗口 ? 冇，嗌交 ? 冇，咩都冇睇咩 ? 睇下班人造左d咩，完。

唔知美國個果係咪一定要有綠卡先玩得呢?!尼個我有興趣喎!

設計師　?!
哇，不如執執自己個look先啦，人靠衣裝，佛靠金裝。
你估MARC J. 唔姣既!但佢一開始出黎行，咪又係將自己個look執到正一正，靚靚仔仔，係尼幾年升左仙啦，即刻將自己真性情表露啦，又著裙，又同佢男友結婚，又裸住影廣告?!定雜誌。睇死佢條友姣婆守唔到寡啦，但一開始，守唔到都要守咖!朋友。


佢地都算最似攝影師!