最近在想還GRANT LOAN的事，都不知道何年何月何日才還完.........................
所以為免負資產增長，我決定唔借。
同事A是同校同學，問了我好幾次平日LUNCH去邊食飯，有什麼好推薦。
我自說了尖東星記轉入間烏冬唔錯，而他大呼好貴之後，我就在他每一次問我我都支吾其詞。大佬，你夠唔夠膽講你平日食50蚊一餐LUNCH是小事，最鐘意係去百樂門飲茶?!
我唔夠膽囉! 我知道我說的是事實，我的確成日去百樂門，但說出來的感覺就似是去"潤"人咁................點講出口啊! 唯叫他食學校啦...........出 面 都 冇 咩 好 食 (- - )
今日一條友FING落大快活。
之後見到匯晾花園六百呎賣六百萬。痴撚線。六百萬?! 我向英國如BATH等地方買城堡住啦已經! 香港係係咪癲撚左。
最近，都不是最近了，而是早前，無意之中看到一個在論壇的POST ，故事大約說是一家五還是六口的家庭。父母年輕時買了屋，在供樓的期間，最後的近八至六年，都是剩下未嫁的大女兒在供而且與父母同住，而其他的子女，早已經娶的娶，搬走了，嫁的嫁，跟人走了。
父母死後，其他的子女全都回來，要賣了市值五百多萬的樓房分錢。那麼大女兒，冇人冇物冇屋住，何去何從?
情況突然好像我的處境。
如果日後，現在住的這一個家可以買回來，難道老豆老母開聲叫你買，你唔買咩。買都唔係問題，買了有個地方住下都是不錯的。但阿媽已經一早講左，間屋第日要等細佬結婚之後，同佢地(即我老母)一齊住。佢完全冇諗過我囉好冇。
她說第日我就會嫁喎。
先別說嫁唔嫁這個問題。
首先，如果將來一切如無意外，要等我細佬讀完大學出身，姐我已經33。大前提係，在他未讀完之前，整個家將會只有我，跟我妹兩個支持這個家。難道你會打算操到你老豆八十歲先俾佢退休?! 我驚佢未退休已經兩腳一伸喎咁搞法!!
如果我嫁左，拿，你即係玩我阿妹姐? 如果我已經有自己家庭，你還有能力俾未嫁之前的家用回家嗎 ? 特別是我媽這一種人，恨錢恨到發晒燒，你點搞 ? 咁到時，就一定是我阿妹會好辛苦了對不對，咁你話，你自己一個死，點都好過兩個人輪住死，你說對不對。
而在姐33後，神馬都是浮云了。
所以你說嘛，樓買還是不買 ?
沒有留言:
發佈留言