韓流認識多一點(四)

個人意見，不喜勿插

這個題目真是長開長有，來到這次已經是第四回了!
最近又追看另一位韓國明星 - 李敏鎬。因為早兩天看了J2的city hunter! 我知我知，我好out丫嘛.................我知咖啦!
我有一鋪癮，就是每看一套劇或是電影之前，都好喜歡把演員大起底。
結果，好奇心殺死了我!
他竟然就是我最討厭的韓國版流星花園那位超樣衰主角! 媽啊! 為什麼天使跟魔鬼要是同一個人啊!又為什麼要俾我知道啊!

這一套city hunter之中，男主角李敏鎬的形象真是一流，美指正。我特別喜歡他在戲中的髮型，當配上他很憂鬱的眼神時，真是成個形象出左黎。(這個髮型我真是超喜歡啊!!!)
而且要讚的是，衣服方面真是很突出他身材高大的優點，完全是一整個發光體!而且他真是演得很好! 當然，角色的設計本身已經是完美，善良，又好打，而且仲成日暗啞底保護個女主角........................真係咩好位都俾佢上晒。(所以我一路睇會一路講粗口，咁唔代表我唔鐘意佢，係我妒嫉佢!!!! 特別是他在第1,2集，用一支筆黎平衡身體行走廊出面............型到不得了，但我都是猛講粗口............................................)

但係，他在這套以外的其他樣子+髮型真是............................................想令我死。特別是他裝可愛的樣子(請自行google)，哇，你老味啊!我真係想打人囉好冇!我請求你唔好笑啦，請行憂鬱路線。

我一路睇，就會一路心理不平衡，點解韓國明星真係靚仔到咁，唔靚都唔打緊的，真係有身材搭救囉.............................香港真係收左皮。

靚仔share!
ps: 我到左依家都接受唔到，佢同流星條友是同一個人，可見髮型真是影響一生。不過我都唔係好接受到佢憂鬱以外既形象(我有偏好)，我真係嘗試過，搵相去說服自己，佢地係同一個人，但係我點睇都唔似囉............................
明明是兩個人!!!! 尼個型咁多XD